English| മലയാളം

ആമുഖം

 

 കേരളത്തിലെ പാലക്കാട് ജില്ലയില്‍ ചിറ്റൂര്‍ പുഴയുടെ കരയില്‍ സ്ഥിതി ചെയ്യുന്ന ഒരു ചെറിയ പട്ടണമാണ് ചിറ്റൂര്‍. പാലക്കാട് പട്ടണത്തില്‍ നിന്നും ഏകദേശം 15 കിലോമീറ്റര്‍ തെക്ക് ഭാഗത്തായാണ് ചിറ്റൂര്‍. ഇവിടെ ധാരാളം നെല്‍പാടങ്ങളും തെങ്ങിന്‍ തോപ്പുകളുമുണ്ട്. ആലത്തൂരാണ് ലോക്‌സഭാമണ്ഡലം. ചിറ്റൂരിന്റെ സൗന്ദര്യത്തേക്കുറിച്ചു മുന്‍ ഇംഗ്ലീഷ് കളക്ടറായിരുന്ന വില്ല്യം ലോഗന്‍ പരാമര്‍ശിച്ചിട്ടുണ്ട്. ചിറ്റൂര്‍ ഭഗവതി ക്ഷേത്രത്തിലെ ഉത്സവത്തിനോടനുബന്ധിച്ചുള്ള കൊങ്കന്‍ പട ചരിത്ര പ്രസിദ്ധമാണ്. ആണ്ടുതോറും കുംഭമാസത്തിലാണ് ഇവിടെ ഉത്സവം സംഘടിപ്പിക്കാറുള്ളത്.

 

ചിറ്റൂര്‍ തത്തമംഗലം നഗരസഭാ പ്രവര്‍ത്തനം ആരംഭിച്ചത് 1908 -ലായിരുന്നു എന്നും 'സാനിട്ടറി ബോര്‍ഡാണ്' ഭരണം നടത്തിയിരുന്നതെന്നും രേഖകളില്‍ കാണുന്നുണ്ട്. 1910 ല്‍ കൊച്ചിന്‍ ഗവണ്മെന്റ് നിയമനിര്‍മ്മാണത്തിലൂടെ ഈ സ്ഥാപനത്തിന്റെ പ്രവര്‍ത്തനം ഒരു 'ടൌണ്‍ കൌണ്‍സില്‍' എന്ന നിലയ്ക്ക് രൂപപ്പെടുത്തി. 1918 ല്‍ നോമിനേറ്റഡ് അംഗങ്ങളും, തെരഞ്ഞെടുക്കപ്പെട്ട അംഗങ്ങളുമടങ്ങുന്ന ഭരണ സമിതി രൂപീകരിച്ചു. 1921 ല്‍ കൊച്ചിന്‍ മുനിസിപ്പല്‍ റഗുലേഷന്‍ നിലവില്‍ വന്നതോടെ മൂന്ന് ഔദ്യോഗിക നോമിനുകളും തെരഞ്ഞെടുക്കപ്പെട്ട പ്രതിനിധകളുമടങ്ങുന്ന കൌണ്‍സില്‍ അധികാരത്തില്‍ വന്നു. തുടര്‍ന്ന് 1938 ല്‍ പാസാക്കപ്പെട്ട കൊച്ചിന്‍ മുനിസിപ്പല്‍ ആക്ട് പ്രകാരം തെരഞ്ഞെടുക്കപ്പെട്ട പ്രതിനിധികള്‍ മാത്രമടങ്ങുന്ന ഭരണം വന്നു. 1952 ലെ കൊച്ചിന്‍ മുനിസിപ്പല്‍ ആക്ട് ഭേദഗതിമൂലം തെരഞ്ഞെടുപ്പ് പ്രായപൂര്‍ത്തി വോട്ടവകാശത്തിന്റെ അടിസ്ഥാനത്തില്‍ നടത്തി തുടങ്ങി. കൊല്ലവര്‍ഷം 1113 ഇടവം 29 ന് ഈ നഗരസഭയെ പരീക്ഷണാര്‍ത്ഥം ചിറ്റൂര്‍ എന്നും തത്തമംഗലം എന്നും രണ്ടു നഗരസഭകളാക്കി വേര്‍തിരിക്കുകയും ഒമ്പതുവര്‍ഷത്തിനു ശേഷം 1947 ഒക്ടോബര്‍ 1 ന് ചിറ്റൂര്‍-തത്തമംഗലം എന്ന സംയോജന നഗരസഭയാക്കി രൂപാന്തരപ്പെടുത്തുകയും ചെയ്തു. ആദ്യ ചെയര്‍മാന്‍ അമ്പാട്ട് ഈച്ചരമേനോനായിരുന്നു.
 

പൊതുവിവരങ്ങള്‍
ജില്ല                                : പാലക്കാട് 
വിസ്തീര്‍ണ്ണം                     : 14.71 ച.കി.മി
കോഡ്                             : M090300
വാര്‍ഡുകളുടെ എണ്ണം          : 29  
ജനസംഖ്യ                          : 130736
പുരുഷന്മാര്‍‍                     : 64293
സ്ത്രീകള്‍‍                          : 66443
ജനസാന്ദ്രത                         : 2179
സ്ത്രീ : പുരുഷ അനുപാതം   : 1055
മൊത്തം സാക്ഷരത               : 84.51
സാക്ഷരത (പുരുഷന്മാര്‍)      : 91.12
സാക്ഷരത (സ്ത്രീകള്‍)           : 78.35
Source : Census data 2001    

 

.